Македонскиот центар за меѓународна соработка (МЦМС) во рамките на проектот Граѓански ресурсен центар организираше отворен ден со граѓанските организации во Прилеп на 28 мај со почеток во 12:00 часот во просториите на Коалицијата на младински организации СЕГА.
Оваа средба е дел од Мобилниот ресурсен центар и се одржа во партнерство со Коалицијата на младински организации СЕГА. Средбата траеше околу 2 часа. На неа присуствуваа претставници од Младински совет Прилеп, Лионс Клуб Прилеп, Здружение за развој на регионот Мариово, Либертас , Работнички универзитет „Пере Тошев“ , Планинарски спортски клуб ЗЛАТОВРВ и др.
Целта на средбата беше да се информираат локалните организации за Граѓанскиот ресурсен центар и можностите што ги нуди центарот, како и други теми и прашања кои се од интерес за функционирањето на организациите.