На 18 април во Универзалната сала „Сонце“ се одржа Хуманитарниот турнир во фудбал во организација на младинската организација на СОУ Ѓорче Петров, СОУ Гимназија Мирче Ацев и Младинскиот Информативен и Советодавен центар ИНФО СЕГА по повод одбележување на 17 Април - Европски ден на младинското информирање.
Се одиграа девет натпревари меѓу тимовите од сите средни училишта. Трето пласиран е фудбалскиот тим на СОУ Орде Чопела, второ место освои фудбалскиот тим на СОЕПТУ Кузман Јосифоски Питу а прво место освои фудбалскиот тим од СОУ Ѓорче Петров.
Овој настан имаше и хуманитарен карактер со цел помагање на малата Наташа Николоска од Прилеп, која има само 6 и пол години, поради нејзината ретка болест, сеуште не можи да оди и да зборува.
Исто така, утре на 19 април во Универзалната сала „Сонце“ ќе се одржи Хуманитарен турнир во кошарка во организација на младинската организација на СОУ Ѓорче Петров, СОУ Гимназија Мирче Ацев и Младинскиот Информативен и Советодавен центар ИНФО СЕГА и ќе настапат тимови од сите средни општински училишта од Прилеп.